ब्राजिलले चिलीलाई हरायो

काठमाडौं । ब्राजिलले विश्वकप फुटबलको दक्षिण अमेरिकी छनोटमा चिलीलाई हराएको छ ।

बिहीबार सम्पन्न खेलमा ब्राजिलले चिलीलाई २–१ ले हराएको हो । 

बैकल्पिक खेलाडीको रुपमा आएका लुईज हेनरिकले ८९ औं मिनेटमा बिजयी गोल गरेका थिए । 

खेलमा अग्रता घरेलु टोली चिलीले दोस्रो मिनेटमा एडुआर्डो वर्गासको गोलमा लिएको थियो । पहिलो हाफको ईन्जुरी समयमा इगोर जिससले ब्राजिलका लागि बराबरी गोल फर्काएका थिए ।

पाँच पटकको विश्व च्याम्पियनलाई छनोट तालिकामा तीन अंकको आवश्यकता थियो । पछिल्लो जितले ब्राजिल १३ अंक सहित तालिकाको चौथों स्थानमा उक्लिएको छ । अर्जेन्टिना २१ अंक सहित तालिकाको शीर्ष स्थानमा छ ।