भारतलाई टी ट्वान्टी सिरिज 

काठमाडौं । भारतले बंगलादेशविरुद्धको टी ट्वान्टी सिरिज समेत जितेको छ । 

बुधबार दोस्रो खेलमा ८६ रनले विजयी बन्दै भारतले तीन म्याचको टी ट्वान्टी सिरिज एक खेल अगावै जितेको हो । 

दिल्लीमा पहिले ब्याटिङ गरेको भारतले ९ विकेट गुमाएर २ सय २१ रन बनाएको थियो ।

नितिश कुमार रेड्डीको ७४ रनको बिस्फोटक ईनिङ्स र रिंकु सिंहको ५३ रनको सहयोगमा भारतले ठुलो स्कोर खडा गरेको थियो । हार्दिक पाण्डेयाले ३२ रनको योगदान गरे ।

बंगलादेशका रिसद हुसेनले सर्वाधिक ३ विकेट लिए ।

जवाफी ब्याटिङमा उत्रिएको बंगलादेशले ९ विकेट गुमाएर १ सय ३५ रनमात्र बनाउन सक्यो । बंगलादेशका मोहम्मद महमूदुल्लाह सर्वाधिक ४१ रन बनाए । 

भारतका नितिश कुमार रेड्डी र वरुण चक्रवर्तीले समान दुई दुई विकेट हात पारे ।

बंगलादेश भारत भ्रमणमा रहेको छ । अन्तिम खेल हैदरावादमा शनिबार हुनेछ ।

यसअघि दुई म्याचको टेष्ट सिरिज भारतले जितिसकेको छ ।