मधेशमाथि कर्णालीकाे जित

काठमाडौं। कर्णाली एसभिएसले एभरेस्ट महिला भलिबल लिगमा सुखद सुरुआत गरेको छ।

त्रिपुरेश्वरस्थित राष्ट्रिय खेलकुद परिषद् (राखेप) कभर्डहलमा सोमबार भएको खेलमा मधेश युनाइटेडमाथि ३–१ सेटको जित निकालेको हो। 

कर्णाली पहिलो सेट १५–२५ ले जितेको थियो। तर, दोस्रो सेटबाट भने मधेशले पुनरागमन गर्ने संकेत देखाउन थाल्यो। त्यसैले सेट चारमा लम्बिन पुग्यो। दोस्रो सेट कर्णलीले २०–२५ ले आफ्नो बनाउँदै २–० को अग्रता लियो। तर, तेस्रो सेटमा भने कर्णलीले जितका लागि एक अंक लिन खोज्दा सेट नै गुमाउन पुग्यो।

१९–२४ ले पछि परेको अवस्थामा मधेश पुनरागमन गर्न सफल भयो। यो सेट मधेशले २८–२६ ले आफ्नो बनायो। तर, तेस्रोको तुलनामा मधेशले तेस्रो सेटमा भने दमदार खेल पस्किन सकने। उक्त सेट मधेशले ११–२५ ले गुमायो।