काठमाडौं । नेकपा एमाले युवा विद्यार्थी बिशेष जिल्ला कमिटिको आयोजनामा मंगलबार मैत्रीपूर्ण फुटसल खेल सम्पन्न भएको छ ।
काठमाडौंको कलंकीस्थित शिद्धार्थ मल्टिपल क्याम्पसमा आयोजना भएको फुटसलमा १० टिम सहभागी थिए ।
प्रतियोगितामा नेकपा एमाले केन्द्रिय कमिटी टिम, नेकपा एमाले बागमती प्रदेश, नेकपा एमाले उपत्यका प्रदेश, युवा विद्यार्थी विशेष जिल्ला, अनेरास्ववियू, राष्ट्रिय युवा संघ नेपाल, खेलकुद महासंघ, प्रेस चौतारी नेपाल, राष्ट्रिय कलाकार, नेकपा एमाले युवा विद्यार्थी ईलाका सहितका टिम सहभागी थिए ।
नकआउट आधारमा सञ्चालन गरिएको एक दिने प्रतियोगिताको फाइनलमा कलाकार टिम र राष्ट्रिय युवा संघ नेपालले खेलेका थिए । फाइनलमा राष्ट्रिय कलाकारको टिमले राष्ट्रिय युवा संघलाई ६–४ ले पराजित गर्यो । फाइनल खेलमा बद्री पंगेनीले दुई गोल गरे । पाँच गोल गरेका बद्री पंगेनी प्रतियोगिताका सर्वाधिक गोलकर्ता बने ।
एमाले उप महासचिव प्रदीप ज्ञवालीले प्रमुख आतिथ्यतामा सम्पन्न भएको प्रतियोगिताका विजेतालाई प्रमाणपत्र वितरण गरिएको थियो ।
