कर्णालीबाट बेन्डाले एभरेस्ट भलिबल लिग खेल्ने

काठमाडौं। कर्णाली यश्विजले एभरेस्ट महिला भलिबल लिगका लागि अमेरिकाकी ग्याब्रीएल बेन्डा भित्र्याएको छ। यश्विजले ग्याब्रीएललाई आफ्नो टोलीमा अनुबन्ध गरेको जानकारी दिएको हो।

ग्याब्रीएल अमेरिकाको घरेलु लिगमा परिचित अनुहार हुन् । उनी अमेरिकाको राष्ट्रिय भलिबल खेलाडी हुन् । उनले राष्ट्रिय तहको थुप्रै प्रतियोगिता  खेलिसकेकी छन् ।  

लिग यही असोज १४ देखि १९ गतेसम्म त्रिपुरेश्वरस्थित राष्ट्रिय खेलकुद परिषदको कभर्ड हलमा हुँदैछ । लिगमा ६ टोलीको सहभागितामा हुनेछ । कर्णाली यश्विज टोलीको मुख्य प्रशिक्षकमा भलिबल महिला टोलीको प्रशिक्षककुमार राई छन् । उनी न्यु डाइमन्ड युथ स्पोट्स क्लबको अध्यक्षसमेत हुन् ।  

कर्णालीबाट सुमित्रा रेग्मी, मिना सुनार, मनिषा चौधरी, यमुना रसाइली, सुनिता राई, सृष्टि खड्का, गरिमा बोहोरा र पशुपति बोहराले लिग खेल्ने छन् ।