काठमाडौं। राष्ट्रिय खेलकुद परिषद् (राखेप) का सदस्यसचिव टंकलाल घिसिङले प्रदेश खेलकुद विकास परिषद्, बागमती प्रदेशका नवनियुक्त सदस्यसचिव दिपक लामालाई आइतबार बधाइ दिँदै स्वागत गरेका छन्।
सातै प्रदेश खेलकुदका सदस्यसचिव राखेपको पदेन सदस्य रहने व्यवस्था छ। त्रिपुरेश्वरस्थित सदस्यसचिव घिसिङकै कार्यकक्षमा भएको भेटका अवसरमा दुई पक्षबीच १०औं राष्ट्रिय खेलकुद, जिल्ला खेलकुद विकास समिति र त्यहाँ कार्यरत कर्मचारीको अवस्था, भौतिक पूर्वाधारको अवस्थालगायतका बारेमा कुराकानी भएको थियो।
