लामाचौर भलिबल प्रतियोगिता : उद्घाटन खेलमा एपीएफ क्बल र गण्डकी भिड्ने

पोखरा। लामाचौर आमन्त्रित राष्ट्रिय महिला तथा पुरुष भलिबल प्रतियोगिताको उद्घाटन खेलमा विभागीय टोली एपीएफ क्बल र गण्डकी भलिबल संघ भिड्ने भएका छन्।

नवआदर्श सामुदायिक विकास समाजले मंगलबारदेखि पोखरा प्रतियोगिता गर्न लागेको हो। मंगलबार महिला तथा पुरुषतर्फ समान दुई खेल हुनेछ।

महिलातर्फ दोस्रो खेलमा न्यु डायमण्ड युथ स्पोर्टस क्लब र एभरेष्ट भलिबल क्लब आमनेसामने हुनेछन्। पुरुषतर्फको पहिलो खेलमा एपीएफसँग गल्कोटले प्रतिस्पर्धा गर्नेछ। दोस्रो खेलमा गण्डकी र नेपाल पुलिस क्लब भिड्नेछन्।

महिला तथा पुरुषतर्फ समान चार टोलीले सहभागिता जनाएका छन्। प्रतियोगिताको फाइनल खेल २१ गते हुनेछ।