शिवरामलाई उपाधि

काठमाडौं । नेपालका नम्बर एक गल्फर शिवराम श्रेष्ठले सुर्य नेपाल एनपीजीए म्याच प्ले गल्फको उपाधि जितेका छन् ।

रोयल नेपाल गल्फ क्लबमा बिहिबार दोस्रो वरियताका भुवन नगरकोटीलाई २-१ स्कोरले हराएर शिवरामले उपाधि जितेका हुन्  ।

उपाधिसंगै शिवरामले ७० हजार नगद पुरस्कार जितेका छन् । उपविजेता भुवनले ४० हजारमा चित्त बुझाए ।

दिनेश प्रजापति तेस्रो बन्दै २८ हजार प्राप्त गरे ।  चौथो बनेका रामे मगरले २० हजार नगद पुरस्कार पाए । 

क्वाटरफाइनलमा पराजित भएका दिपक मगर, भुवन कुमार रोक्का, जयराम श्रेष्ठ र बल बहादुर राईले समान ११/११ हजार प्राप्त गरे । 

पहिलो चरणमा पराजित धन बहादुर थापा, रबि खड्का, दिपक आचार्य, संजय लामा, पशुपति शर्मा, प्रदिप कुमार लामा, विकास अधिकारी र सुर्य प्रसाद शर्माले ६/६ हजार प्राप्त गरे । 

प्रतियोगिता १६ प्रोफेसनल गल्फरको सहभागिता रहेको थियो ।