काठमाडौं। अमेरिकालाई उछिन्दै चीन पेरिस ओलम्पिक २०२४ को १५औं दिन पदक तालिकाको शीर्ष स्थानमा उक्लिएको छ।
चीनले ३९ स्वर्ण, २७ रजत र २४ कांस्यसहित ९० पदक जितेको छ। शनिबार चीनले ६ स्वर्ण र १ कांस्य थपेको थियो।
अमेरिकाले ३८ स्वर्ण, ३२ रजत र ४२ कांस्यसहित १२२ पदक जितेको छ।
यस्तै, अस्ट्रेलिया तेस्रो स्थानमा कायम छ। अस्ट्रेलियाले १८ स्वर्ण, १८ रजत र १४ कांस्यसहित ५० पदक जितेको छ।
जापान चौथो स्थानमा छ। जापानले १८ स्वर्ण, १२ रजत र १३ कांस्यसहित ४३ पदक जितेको छ।
