काठमाडौं। अखिल नेपाल फुटबल संघ (एन्फा) ले साफ यु–२० च्याम्पियनसिपका लागि नेपाली राष्ट्रिय टोली घोषणा भएको छ। प्रतियोगिता अगस्ट १८ देखि २८ तारिखसम्म दशरथ रंगशालामा आयोजना हुँदैछ।
एन्फाले शनिबार २३ सदस्यीय अन्तिम टोली घोषणा गरेको हो। उद्घाटन खेलमा घरेलु टोली नेपालले श्रीलंकासँग खेल्ने छ। यो खेल अगस्ट १८ मा हुनेछ। यस्तै, नेपालले समूहचरणको अन्तिम खेल बंगलादेशसँग २२ अगस्टमा खेल्ने छ।
प्रतियोगिता पाकिस्तानबाहेक दक्षिण एसियाका ६ टोली सहभागी छन्। यी ६ टोलीलाई दुई समूहमा विभाजन गरिएको छ। समूह ए मा नेपाल, श्रीलंका र बंगलादेश यस समूहमा छन्। समूह बी मा भारत, माल्दिभ्स र भुटान छन्। दुवै समूहको शीर्ष दुई टोली सेमिफाइनल प्रवेश गर्नेछन्।
