बंगलादेश गल्फ च्याम्पियनसिपमा नेपाललाई स्वर्ण

काठमाडौं ।  बंगलादेश एमेच्योर गल्फ च्याम्पियनसिपमा नेपालले टिम इभेन्ट्समा स्वर्ण पदक जितेको छ । 

च्याम्पियनसिपको पुरुष टिम इभेन्ट्समा शुक्र बहादुर राई र टंक कार्की रहेको नेपाल टिम 'ए' ले स्वर्ण जितेको हो । स्वर्ण जित्ने क्रममा नेपालले कुल ३०० अंक जोडेको थियो । 

नेपालका शुक्रले व्यक्तिगत तर्फ १५१ स्कोर जोड्दा टंकले १४९ स्कोर जोडे । नेपालका युवराज भुजेल र सुवास तामाङ रहेको टिम 'बी' भने छैटौं स्थानमा रह्यो ।    

च्याम्पियनसिपमा बंगलादेशको 'बी' टिम दोस्रो भयो । बंगलादेशकै 'ए' तेस्रो स्थानमा रह्यो ।