पहिलो सेट नेपालको पक्षमा

काठमाडौं। घरेलु टोली नेपालले काभा वुमन्स नेसन्स भलिबल लिगको फाइनलमा भारतविरुद्ध पहिलो सेटमा आफ्नो पक्षमा पारेको छ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भइरहेको खेलको पहिलो सेट नेपालले २५-२३ ले जितेको हो। नेपालले सुरुमा ३-० को अग्रता लिएको थियो। तर, लगातार चार अंक जोड्दै भारत खेलमा फर्कियो। 

त्यसपछि नेपाल लगातार भरतसँग पछि पर्‍यो। ७-१० हुँदै भारत २०-२३ मा पुगेको थियो। तर, नेपाल लगातार पाँच अंक जोड्दै पहिलो सेट आफ्नो पक्षमा पार्न सफल भयो। प्रगति नाथले एक अंक दिलाउँदै नेपाललाई पहिलो सेटमा जित दिलाएकी हुन्।