शीर्ष स्थानमा रहँदै भारत सेमिफाइनलमा, फाइनल प्रवेश गर्न श्रीलंकासँग खेल्ने

काठमाडौं। उपाधि दाबेदार भारत शीर्ष स्थानमा रहँदै काभा वुमन्स नेसन्स भलिबल लिगको सेमिफाइनल पुगेको छ।

त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा सोमबार भएको खेलमा भारतले श्रीलंकालाई ३-० को सोझो सेटमा पराजित गरेको हो। योसँगै भारतले फाइनल प्रवेश गर्न श्रीलंकासँगै अन्तिम चारमा खेल्ने पक्का भएको छ।

नेपालसँग ३-२ को सेटमा पराजित भएको भारतले १० अंक जोड्यो। श्रीलंका भने चार अंकमै सीमित भयो। सोमबार खेलमा पहिलादेखि नै दबाबमा परेको श्रीलंकाले पहिलो सेट १३-२५ ले गुमाएको थियो। दोस्रो सेट २१-२५ ले गुमाएको श्रीलंकाले तेस्रो सेट २०-२५ ले गुमाउन पुग्यो।