पहिलो मैत्रीपूर्ण खेलमा रसियासँग नेपाल पराजित

काठमाडौं। नेपाली महिला राष्ट्रिय भलिबल टोली  पहिलो मैत्रीपूर्ण खेलमा रसियन टोलीसँगको पराजित भएको छ।

त्रिपुरेश्वरस्थित राष्ट्रिय खेलकुद परिषद् (राखेप)को कभर्ड हलमा आइतबार सम्पन्न खेलमा नेपाल ३–० को सोझो सेटमा पराजित भएको हो।

पहिलो सेट रसियाले २५–१७ ले जितेको थियो। त्यसपछिका दुई सेटमा पनि नेपालले चुनौती दिन सकेन र २५–१९, २५–१५ ले खेल गुमायो।

नेपालले काभा नेसन्स लिगका तयारीस्वरुप रसियासँग मैत्रीपूर्ण भलिबल खेलेको हो। साउन १७ गतेदेखि राखेप कभर्ड हलमा सुरु हुने काभा नेसन्स लिगमा आयोजक नेपालसहित भारत, इरान, श्रीलंका र माल्दिभ्सले सहभागिता जनाउँदै छन्। नेपालले रसियासँग दोस्रो खेल सोमबार खेल्नेछ।