शिवराम र भुवन क्वाटरफाइनलमा

काठमाडौं । शीर्ष वरियताका शिवराम श्रेष्ठ र भुवन नगरकोटी सुर्य नेपाल एनपीजीए म्याच प्ले गल्फको क्वाटरफाइनलमा स्थान बनाएका छन् ।

रोयल नेपाल गल्फ क्लबमा मंगलबार नेपालका नम्बर एक गल्फर शिवरामले पशुपति शर्मालाई ७-६ ले हराए । यस्तै भुवनले दिपक आचार्यलाई अतिरिक्त होलको आधारमा हराए ।

यस्तै जयराम श्रेष्ठ, दिपक मगर, बल बहादुर राई, भुवन कुमार रोक्का र दिनेश प्रजापतिले पनि क्वाटरफाइनलमा स्थान पक्का गरेका छन् ।

अब क्वाटरफाइनलमा शिवरामले दिपकसंग खेल्नेछन् ।  भुवनले बल बहादुरसंग खेल्नेछन् । यस्तै जयरामले रामे मगर र दिनेशले भुवन कुमारसंग खेल्नेछन् ।

प्रतियोगितामा १६ प्रोफेसनल खेलाडीको सहभागिता रहेको छ ।  विजेताले ७० हजार, उपविजेताले ४० हजार, तेस्रोले २८ र चौथोले २० हजार पाउनेछन् ।