डुरान कप : आर्मी समूह एफ मा

काठमाडौं।  डुरान्ड कपमा विभागीय टोली त्रिभुवन आर्मी क्लब समूह एफ मा परेको छ । डुरान्ड फुटबल टुर्नामेन्ट सोसाइटी र भारतीय फुटबल महासंघ (एआईआईएफ)को आयोजनामा हुने प्रतियोगिताको बुधबार सार्वजनिक गरिएको ड्र मा आर्मी समूह एफ मा परेको हो । 

यो समूहमा आर्मीसँगै इन्डियन सुपर लिग (आइएसएल) टोली एफसी गोवा, हैदरावाद एफसी र आई लिग क्लब सिलोङ लाजोङ एफसी रहेका छन् । आर्मीले गत सिजन पनि यस प्रतियोगितामा सहभागिता जनाएको थियो । 

डुरान्ड कपको १३३ औँ संस्करण जुलाई २७ देखि शिलोङमा हुनेछन् ।