काठमाडौं। आइसिसी ट्वान्टी-२० विश्वकपअन्तर्गत इङ्ल्यान्ड र भारतबीचको सेमिफाइनल खेल रोकिएको छ।
आठ ओभर चलिरहँदा वर्षा सुरु भएपछि खेल रोकिएको हो। आठ ओभरको समाप्तिमा भारतले दुई विकेट गुमाउँदै ६५ रन बनाएको छ।
विराट कोहली नौ र ऋषभ पन्त चार रनमा आउट भइसकेका छन्। कप्तान रोहित शर्मा ३७ र सूर्यकुमार यादव १३ रनमा अविजित रहँदै क्रिजमा छन्। इङ्ल्यान्डका रिस टोप्ले र सैम करनले समान एक विकेट लिएका छन्।
दोस्रो सेमिफाइनलमा ‘रिजर्भ डे’ को व्यवस्था गरिएको छैन। वर्षाका कारण खेल अनिर्णित रहे ‘सुपर एट’को समूह दुईमा शीर्ष स्थानमा रहेको आधारमा भारतले फाइनलको टिकट काट्ने छ।
