काठमाडौं । लुम्बिनी प्रदेश खेलकुद परिषद्को सदस्य सचिवमा तिरण गौतम नियुक्त भएका छन् । सामाजिक विकास मन्त्री रत्न खत्रीले गौतमलाई प्रदेश खेलकुद परिषदको कार्यकारी पदमा नियुक्त गरेका हुन् ।
सरकार परिवर्तन र लुम्बिनीको सामाजिक विकास मन्त्री एमालेको भागमा परेपछि खेलकुदको कार्यकारी पदको रुपमा रहेको सदस्य सचिवमा सबैको नजर थियो ।
सरकार परिवर्तनको केही समयमै प्रदेश सरकारले प्रदेश खेलकुद परिषद् विगठन गरेको थियो । कंग्रेस नेतृत्वको सरकारमा नियुक्ति लिएका जयप्रकाश भट्टराईलाई हटाउन प्रदेश सरकारले परिषदनै विगठन गरेको थियो ।
भट्टराईलाई हटाएपछि लुम्बिनी प्रदेशको खेलकुद परिषदको सदस्य सचिवको पद रिक्त थियो । रिक्त पदमा एमाले नेतृत्वको मन्त्रालयबाट गौतमले नियुक्ति पाएका छन् ।
खेलकुदको कार्यकारी पद भएका कारण सदस्य सचिवको पदलाई आकर्षक नियुक्ति मानिन्छ । बजेट र एक्सपोजरको हिसाबले खेलकुदमा सदस्य सचिवको नियुक्तिमा सधै आकर्षण रहदै आएको छ ।
गौतम एमालेको नेपाल खेलकुद महासंघका केन्द्रिय उपाध्यक्ष हुन् । उनी एमाले महासचिव शंकर पोखरेलका निकट मानिन्छन् ।
लुम्बिनीको सामाजिक विकास मन्त्री एमालेको भागमा परेपछि गौतमलाई सदस्य सचिवको सम्भाावित पात्रको रुपमा समेत हेरिएको थियो ।
मन्त्री खत्रीले उनै गौतमलाई शुक्रबार नियुक्त गरिएको जानकारी दिएका छन् । यस्तै मन्त्री खत्रीले परिषद्को बोर्ड सदस्यमा डिबी तामाङ र जनक केसीलाई मनोनित गरेका छन् ।
-1751297393.jpeg)
-1751282483.jpeg)
-1751282194.jpeg)
