इलाममा जुनियर चेस प्रतियोगिता सम्पन्न

इलाम । जुनियर (यू-१५) राष्ट्रिय बुद्धिचाल प्रतियोगिता-२०८१को लागि इलाम जिल्ला छनौट प्रतियोगिता सम्पन्न भएको छ । इलाम जिल्ला बुद्धिचाल संघको आयोजना, जिल्ला खेलकुद विकास समिति, इलामको समन्वय र कोशी प्रदेश बुद्धिचाल संघको प्राविधिक सहयोगमा भएको प्रतियोगिताबाट छात्रछात्रा २र२ जना छनौट भएका छन् ।

आज जेठ १७ गते जिल्ला समन्वय समिति इलामको समीक्षालयमा सम्पन्न प्रतियोगिताबाट विजय भई छनौट हुनेमा छात्र तर्फ प्रथम प्रज्ञा सदन इलामका दीपेश तामाङ (इलाम नगरपालिका-६), र द्धितिय सनराइज अङ्ग्रेजी स्कुल, सूर्योदयका सक्षम पौडेल (सूर्योदय नगरपालिका-८) भएका छन् भने छात्रा तर्फ प्रमथ इलाम रोजमेरी, सूर्योदयकी रिस्ता राई (सूर्योदय नगरपालिका-११) र द्धितिय ग्रीनभ्याली एकेडेमी अध्ययनरत आन्वि राई रहेकी छिन ।

इलाम बुद्धिचाल संघका अध्यक्ष प्रकाश परियारको अध्यक्षता भएको प्रतियोगिता आर्विटर तारानिधि घिमिरे रहेका थिए । छनौट भएका खेलाडीले प्रदेश स्तरीय छनौटमा सहभागी हुने अवसर पाउने छन् । जुनियर (यू-१५) को राष्ट्रिय प्रतियोगिता यही जेठ ३०-३२ पोखरामा हुने कोशी प्रदेश बुद्धिचाल संघका अध्यक्ष सुरेन्द्र कुमार राईले जानकारी गराएका छन् ।

आज विजेता ४ जनालाई ट्रफि र सहभागी सबैलाई प्रमाणपत्र वितरण गरिएको थियो ।