काठमाडौँ। विनवार्ड्स भोलक्यानोजसँगको तेस्रो अभ्यास खेलमा नेपालले पहिला फिल्डिङ गर्ने भएको छ।
पार्क हिल मैदानमा भोलक्यानोजले टस जितेर पहिला ब्याटिङ गर्ने निर्णय लिएको हो। मुख्य प्रशिक्षक मोन्टी देसाईंले आजको खेलमा दीपेन्द्रसिंह ऐरी, ललितनारायण राजवंशी, कुशल मल्ल र अभिनाश बोहरालाई आराम दिएका छन्।
तीन अभ्यास खेलमा नेपालले दुई जित हासिल गरिसकेको छ। नेपालले पहिलो खेलमा ४ विकेटको जित हासिल गरेको थियो। दोस्रो खेलमा पनि नेपालले उक्त लय कायम राख्दै ४९ रनको जित हासिल गरेको थियो।
