काठमाडौँ। रोयल च्यालेन्जर्स बेंग्लोरले इन्डियन प्रिमियर लिग (आईपीएल)को प्लेअफमा पुग्न चेन्नई सुपर किंग्सलाई २१९ रनको लक्ष्य दिएको छ।
एम चिन्नास्वामी स्टेडियम टस हारेर पहिला ब्याटिङ थालेको बेंग्लोरले निर्धारित २० ओभरमा ५ विकेट गुमाउँदै २१८ रन बनाएको हो। चेन्नईले २०१ रन बनायो भनेपनि बेंग्लोर प्लेअफ दौडबाट बाहिरिने छ।
राम्रो रनरेट र अधिक अंक (१३ अंक र ०.५२८ नेटरनरेट) का कारण चौथो स्थानमा रहेको चेन्नईको प्लेअफमा पुग्ने सम्भावना बलियो छ।
छैटौँ स्थानमा रहेको बेंग्लोरको १२ अंक छ र नेटरनरेट ०.३८७ रहेको छ। त्यस्तै, बेंग्लोरले कम्तिमा १८ रनले जित हासिल गर्नुपर्ने हुन्छ।
बेंग्लोरका कप्तान फाफ डुप्लेसीले सर्वाधिक ५४ रन बनाए। ३९ बल खेलेका उनले ३ चौका र ३ छक्का प्रहार गरे।
ओपनर विराट कोहली ४७, रजन पाटीदार ४१, ग्लेन म्याक्सेवल १६ र दिनेश कार्तिक १४ रनमा आउट हुँदा क्यामरुन ग्रिन ३८ रनमा अविजित रहे।
चेन्नघका शार्दुल ठाकुरले सर्वाधिक २ विकेट लिए। ४ ओभर बलिङ गरेका उनले ६१ रन खर्चिए। तुषार देशपाण्डे र मिचेल स्यान्टेनरल १/१ विकेट लिए।
