काठमाडौँ। अन्तर्राष्ट्रिय क्रिकेट परिषद् (आईसीसी)को टी-२० अलराउन्डर वरीयतातर्फ नेपाली राष्ट्रिय टोलीका दीपेन्द्रसिंह ऐरीले एक स्थान सुधार गरेका छन्।
आईसीसीले बुधबार सार्वजनिक गरेको नयाँ वरीयतामा दीपेन्द्रले एक स्थान सुधार गर्दै शीर्ष १० मा स्थान बनाएका हुन्। यसअघि उनी ११औँ स्थानमा थिए।
अलराउन्डरतर्फ कुशल मल्ल ३३औँ र गुलशन झा ६१औँ स्थानमा यथावत छन्। नेपालका कप्तान रोहितकुमार पौडेल एक स्थान घटुवा ६६औँ स्थानमा पुगेका छन्। करण केसीले ७४औँ स्थानमा छन्।
ब्याटिङतर्फ दीपेन्द्र ५०औँ, रोहित ६१औँ र आशिफ शेख ८७औँ स्थानमा छन्। बलिङतर्फ सोमपाल कामी ९२औँ स्थानमा छन्।
