काठमाडौँ। राजस्थान रोयल्स इन्डियन प्रिमियर लिग (आईपीएल) प्लेअफनजिक छ। तर, त्यसअघि टोलीका स्टार ओपनिङ ब्याट्सम्यान जोस बटलर इङ्ल्यान्ड फर्किएका छन्।
उनी आईपीएलका बाँकी खेलमा उपलब्ध हुने छैनन्। इङ्ल्यान्डले टी–२० विश्वकपअघि पाकिस्तानसँग सिरिज खेल्दै छ। पहिलो खेल २२ मेमा हेडिङ्लेमा हुनेछ। इङ्ल्यान्ड एन्ड वेल्स क्रिकेट बोर्ड (ईसीबी) ले यो सिरिजका लागि छनोट भएका खेलाडीलाई आईपीएलमा फिर्ता बोलाएको छ।
राजस्थानले आफ्नो सोशल मिडियामा एक भिडियो पोस्ट गर्दै बटलर बिदाइ गरेको छ। आइतबार चेपौकमा चेन्नई सुपर किंग्सविरुद्ध खेलिएको खेलमा बटलर संलग्न थिए। २५ बल खेलेका उनी २१ रन बनाएर आउट भएका थिए।
बटलरले टी–२० विश्वकपमा इङ्ल्यान्डको जिम्मेवारी सम्हाल्ने बताइएको छ। लगातार तीन खेल हारेको राजस्थानका लागि बटलरको प्रस्थान ठूलो झट्का हो।
राजस्थान १२ खेलमा ८ जितसहित १६ अंकसहित तालिकाको दोस्रो स्थानमा छ। बटलरले यस सिजन ११ खेलमा १४०.७८ को स्ट्राइक रेटमा ३५९ रन बनाएका छन्।
जसमा दुई शतक पनि समावेश छ। बटलरको अनुपस्थितिमा टम कोहलर क्याडमोरले यशस्वी जैसवालसँग ओपनिङ गर्नेछन्।
