काठमाडौँ। राजस्थान रोयल्सले इन्डियन प्रिमियर लिग (आईपीएल)मा चेन्नई सुपर किंग्सलाई १४२ रनको लक्ष्य दिएको छ।
टस जितेर पहिला ब्याटिङ थालेको राजस्थानले निर्धारित २० ओभरमा ५ विकेट गुमाउँदै १४१ रन बनाएको हो।
राजस्थानका रियान परागले अविजित रहँदै सर्वाधिक ४७ रन बनाए। ३५ बल खेलेका उनले १ चौका र ३ छक्का प्रहार गरे।
ध्रुव जुरेल २८, यशस्वी जायसवाल २४, जोस बटलर २१ र सञ्जु सामसन १५ रनमा आउट भए।
चेन्नईका सिमरजीत सिंहले सर्वाधिक ३ विके लिए। ४ ओभर बलिङ गरेका उनले २६ रन खर्चिए। यस्तै, तुषार देशपाण्डेले २ विकेट लिए।
