काठमाडौँ। आलोक विद्याश्रम स्कुल र सैनिक आवासीय महाविद्यालयले जयकुमार नाथ शाह स्मृति यू-१६ टी-२० अन्तरविद्यालय क्रिकेट प्रतियोगितामा जित हासिल गरेका छन्।
शुक्रबार सम्पन्न खेलमा आलोकले ग्लालेक्सी पब्लिक स्कुल र सैनिक आवासीयले रेडियन्ट रिडर्स स्कुललाई पराजित गरेको हो।
दिनको पहिलो खेलमा आलोककले ग्यालेक्सीलाई ५ विकेटले पराजित गर्यो। ग्यालेक्सीले दिएको ९६ रनको लक्ष्य आलोकले १८.३ ओभरमा ५ विकेट गुमाउँदै पूरा गर्यो।
आलोकका रायन शेर्पाले सर्वाधिक ३१ रन बनाए। यस्तै, सूर्य थापा र अवेसम थापामगरले ११/११ रन बनाए। ग्यालेक्सीक रुद्राक्ष शर्माले २ विकेट लिए। यस्तै, आतिफ खान र सुजित नेपालले १/१ विकेट लिए।
त्यसअघि ब्याटिङ गरेको ग्यालेक्सीले १५.५ ओभरमा सबै विकेट गुमाउँदै ९५ रनको बनाएको थियो। ग्यालेक्सीका लागि रुद्राक्ष शर्माले सर्वाधिक २३ रन बनाए। स्वीकृत रिजाल र आतिफ खानले १९/१९ रन बनाए।
आलोकका रायन शेर्पा, अवेसम थापामगर र काश्यप अधिकारीले ३/३ विकेट लिए।
अर्को खेलमा सैनिक आवासीयले रेडियन्ट रिडर्स स्कुललाई १० विकटले पराजित गर्यो। रेडयन्टले दिएको ९० रनको लक्ष्य सैनिकले १० ओभरमा कुनै विकेट नगुमाई ९१ रन बनायो।
सैनिकका रमन गुरुङले अर्धशतक प्रहर गरे। यस्तै, राजदीप आचार्यले २७ रन बनाए। त्यसअघि ब्याटिङ गरेको रेडियन्टले निर्धारित २० ओभरमा ६ विकेट गुमाउँदै ८९ रन बनायो।
रेडियन्टका युवराज कुश्वाहले सर्वाधिक २४ रन बनाए। अनुज झाले २० र निलेश सिटौलाले ९ रन बनाए। सैनिकका प्रत्युश आचार्य र लबकुमार ठाकुरले २/२ विकेट लिए।
समूह ‘बी’ मा रहेको आलोकले २ खेलमा २ अंक जोडेको छ। ग्यालेक्सी अंकविहिन छ। समूह ‘ए’ को सैनिकले २ खेलमा ४ अंक जोडेको छ। रेडियन्ट अंकविहिन छ।
