काठमाडौँ। इन्डियन प्रिमियर लिग (आईपीएल)को १० खेलको समाप्तिमा मुम्बई इन्डियन्स ३ जित, ७ हारसहित ६ अंक जोडेर नवौँ स्थानमा रहेको छ। मुम्बईले अब प्रतियोगितामा चार खेल मात्रै खेल्न बाँकी रहेको छ। यस्तो अवस्थामा के पाँच पटकको आईपीएल विजेता मुम्बई प्लेअफमा पुग्ला त?
आईपीएल २०२४ का ५० खेल खेलिसकेपछि पनि कुनै पनि टोलीको प्लेअफमा स्थान पक्का भएको छैन। यस्तै, कुनै पनि टोली प्लेअफको दौडबाट बाहिरि सकेको छैन।
अहिलेको स्थिति हेर्दा मुम्बई अझै प्लेअफ दौडमा रहेको छ। तर, मुम्बईलाई बाँकी खेल जितेर मात्रै पुग्दैन, राजस्थान रोयल्स र कोलकाता नाइट राइडर्सको नतिजामा पनि भर पर्नुपर्छ।
सनराइजर्स हैदरावादले राजस्थानमाथि जित हात पारे पनि १४ अंकका साथ मुम्बईले अन्तिम चारमा स्थान बनाउने सम्भावना कायमै छ। त्यसका लागि राजस्थान र कोलकाता आफ्ना अधिकांश खेल जितेर अंक तालिकाको पहिलो दुई स्थानमा रहनुपर्छ। यसो भए पछिल्ला तीन खेलमा लगातार हार बेहोरेको मुम्बई १४ अंकका साथ तेस्रो स्थानमा रहेर प्लेअफ पुग्न सक्छ।
उदाहरणका लागि यदि लखनउ सुपर जायन्ट्स र हैदरावादले मे ८ मा खेल्ने खेलबाहेक आफ्ना सबै खेलहरू गुमाए भने त्यो खेलको विजेताले १४ अंकका साथ लिगका खेल समाप्त गर्नेछ।
यदि मुम्बईले पछिल्ला चार खेलमा जित हात पार्यो भने समान अंकका आधारमा तेस्रो स्थानमा रहनेछ। यो पनि सम्भव छ कि अन्तिम ६ टोलीले पनि १२-१२ को बराबर अंक प्राप्त गर्नेछन्।
यदि मुम्बईले शुक्रबार हार बेहोरे पनि मुम्बई गणितीय रुपमा प्लेअफको दौडबाट बाहिरिने छैन। किनभने १२ अंकका साथ चौथो स्थानका लागि संघर्ष गरिरहेका अन्तिम ७ टोलीमा मुम्बई पनि एक हुने छ।
बेंग्लोको सम्भावना के छ ?
रोयल च्यालेन्जर्स बेंग्लोरको पनि समान १० खेलबाट ६ अंक छ। यद्यपि, बेंग्लोरका लागि राम्रो कुरा भनेको पछिल्ला दुई खेल जितेको छ।
अहिले जितको रथमा सवार बेंग्लोरसँग पनि १४ अंकका साथ प्लेअफमा पुग्ने मौका छ। यद्यपि, गणितीय हिसाबले बेंग्लोर १२ अंकका साथ अन्तिम चारमा पुग्न सक्छ।
राजस्थान अझै पक्का भएन
यो सिजनको अहिलेसम्मकै सबैभन्दा सफल टोलीमध्य एक हो राजस्थान। यद्यपि, राजस्थान अझै अन्तिम चारमा प्रवेश गर्न सकेको छैन। यसको मतलब राजस्थान अझै प्लेअफबाट बाहिरिने जोखिममा रहेको छ।
यदि राजस्थानले बाँकी सबै चार खेलमा हार बेहोरेको खण्डमा कोलकाता, हैदरावाद, लखनउ र चेन्नई सुपर किंग्सले १८ या सोभन्दा बढी अंक बटुल्दै लिग अन्त्य गर्ने सम्भावना रहेको छ। राजस्थाले एक खेल जिते पनि १८ अंकका साथ तालिकाको पाँचौँ स्थानमा पुग्न सक्छ।
