काठमाडौँ। पञ्जाब किंग्स इन्डियन प्रिमियर लिग (आईपीएल)मा साविक विजेता चेन्नई सुपर किंग्सलाई पराजित गरेको छ। बुधबार सम्पन्न खेलमा पञ्जाब ७ विकेटले विजयी भएको हो।
चेन्नईले दिएको १६३ रनको लक्ष्य पञ्जाबले १७.५ ओभरमा ३ विकेट गुमाउँदै पूरा गरेको हो। पञ्जाबका जोनी बेयरस्टोले सर्वाधिक ४६ रन बनाए। ३० बल खेलेका उनले ७ चौका र १ छक्का प्रहार गरे।
राइली रुसो ४३ र प्रभसिमरन सिंह १३ रनमा आउट हुँदा शशांक सिंह २५ र कप्तान साम करन २६ रनमा अविजित रहे। चेन्नईका शार्दु ठाकुर, रिचर्ड ग्लिसन र शिवम दुबेको नाममा १/१ विकेट रह्यो।
त्यसअघि टस हारेर पहिला ब्याटिङ थालेको चेन्नईले निर्धारित २० ओभरमा ७ विकेट गुमाउँदै १६२ रन बनाएको थियो। चेन्नईका कप्तान ऋतुराज गायकवाडले सर्वाधिक ६२ रन बनाए। ४८ बल खेलेका उनले ५ चौका र २ छक्का प्रहार गरे।
अजिंक्य रहाणे २९, समीर रिजवी २१, मोइन अली १५ र महेन्द्रसिंह धोनी १४ रनमा आउट हुँदा डेरिल मिचेल १ रनमा अविजित रहे।
पञ्जाबका हरप्रीत बराड र राहुल चाहरले २/२ विकेट लिए। कागिसो रबाडा र अर्शदीप सिंहको नाममा १/१ विकेट रह्यो।
जितसँगै पञ्जाब १० खेलबाट ८ अंक जोड्दै सातौँ स्थानमा उक्लिएको छ। पराजित चेन्नई समान खेलबाट १० अंक जोड्दै चौथो स्थानमा यथावत् छ।
