फिफा विश्वकप : जर्मनी र स्विडेनबीचको खेल सुरु

एजेन्सी । फिफा विश्वकप फुटबल अन्तर्गत आजको अन्तिम खेलको रुपमा रहेको साबिकको बिजेता जर्मनी र स्विडेनबीचको खेल सुरु भएको छ  ।

फिष्ट स्टेडियमा समूह एफ मा रहेका दुवै टोली ३ अंक जोड्ने लक्ष्यसहित मैदान उत्रिएका छन् ।

यो समूहमा जर्मनी अंकबिहिन रहदै तेस्रो स्थानमा छ । पहिलो खेलमा जर्मनी मेक्सिकोसँग पराजित भएको थियो ।  स्विडेन ३ अंकसहित दोस्रो स्थानमा छ । स्विडेनले दक्षिण कोरियालाई हराएको थियो  ।

जर्मनी पछिल्ला ११ खेलमा स्वीडेनसंग अपराजित छ । पछिल्लो भेटमा जर्मनी र स्विडेनले ४–४ गोलको बराबरी खेलेका थिए । विश्वकप २०१४ को छनोटमा जर्मनीले स्विडेनलाई ५–३ ले स्तब्ध पारेको थियो ।