'ए' डिभिजन लिगका उदयमान खेलाडी र प्रशिक्षकले नगद पुरस्कार पाउने

काठमाडौं । पल्सर सहिद स्मारक 'ए' डिभिजन लिग फुटबलमा उदयमान (इमर्जिङ) खेलाडी र प्रशिक्षकले नगद पुरस्कार पाउने भएका छन्  ।

अखिल नेपाल फुटबल संघ एन्फाले सोमबार उत्कृष्ट खेलाडी र प्रशिक्षकसंगै उदयमान खेलाडी र प्रशिक्षकलाई नगद पुरस्कार प्रदान गर्ने घोषणा गरेको हो ।

एन्फाले उदयमान गोलकिपर, डिफेन्स, मिडफिल्डर, फरवार्ड र प्रशिक्षकलाई समान ५०/५० हजार नगद प्रदान गर्ने जनाएको छ  ।

यसअघि एन्फाले उत्कृष्ट गोलकिपर, डिफेन्स, मिडफिल्डर, फरवार्ड र प्रशिक्षकलाई पल्सर मोटरसाइकल दिने घोषणा गरेको थियो  । यस्तै एन्फाले लिगमा एक युवा खेलाडीलाई 'मणि बिक्रम शाह युवा खेलाडी अवार्ड' प्रदान गर्ने जनाएको छ ।