काठमाडौं । राष्ट्रिय खेलकुद परिषद (राखेप) ले पोखराको रंगशाला निर्माणका लागि दुई कम्पनीसंग सम्झौता गरेको छ ।
राखेपले पोखरा रंगशाला ६ महिनाभित्र निर्माण सक्नेगरी भारतीय कम्पनी ग्रेट स्पोर्टस र नेपाली कम्पनी एमए कन्स्ट्रक्सनलाई जिम्मेवारी दिएको हो ।
राखेपका पूर्वाधार निर्माण तथा मर्मत शाखा प्रमुख अरुण उपाध्यायले पोखरा रंगशाला निर्माणको लागि दुई कम्पनीलाई जिम्मेवारी दिएको जानकारी गराए । उनले राखेप र कम्पनीबीच पुस १३ गते सम्झौता गरेको बताए ।
'हामीले पोखरा रंगशाला बनाउन दुई कम्पनीसंग सम्झौता गरिसकेका छौ । निर्माणले चाडै गती लिनेछ,' निर्माण शाखाका प्रमुख उपाध्यायले खेलपाटीसंग भने, 'ठेकेदार कम्पनीले निरीक्षण सुरु गरिसकेको छ । केहि दिनमा काम अघि बढ्ने छ ।'
पोखरा रंगशाला निर्माणका लागि १ अर्ब २८ करोड रुपैयाँमा सम्झौता गरिएको निर्माण शाखा प्रमुख उपाध्यायले जानकारी गराए ।
गत बर्षबाटै प्याराफिट भत्काएर निर्माण प्रक्रिया अघि बढाईएको पोखरा रंगशाला १५ हजार ५ सय दर्शक क्षमताको हुनेछ । त्यसमा रंगशालाको निर्माणको क्रममा दर्शक क्षमता घटबढ हुने बताइएको छ ।
रंगशाला नेपालमा आयोजना हुने १३ औं सागलाई लक्षित गरेर निर्माण कार्य अघि बढाईएको राखेपले जनाएको छ ।
अन्तर्राष्ट्रिय मापदण्डमा बन्ने रंगशालाको चारैतर्फ छानासहित प्याराफिट रहनेछ । यस्तै मैदानमाको छेउमा सिन्थेटिक ट्रयाक रहनेछ ।
पोखरा रंगशाला बनाउने जिम्मेवारी पाएको दुई कम्पनीले सोमबार रंगशालाको निरीक्षण गरेका थिए । यस्तै दुई कम्पनीले रंगशालाको सर्वेक्षण मंगलबारबाट सुरु गर्ने बताईएको छ ।
रंगशालाको निर्माण कार्य सुरु भएसंगै पोखरामा आयोजना हुने आहा रारा गोल्डकप प्रभावित हुने सम्भावना बढेको छ । तर, आयोजक सराहा एकेडमीले वैकल्पिक मैदानको रुपमा आफ्नो एकेडमीलाई तयार बनाएको छ ।
-1746268248.JPG)
-1746264449.JPG)
