दक्षिण कोरियाविरुद्ध पहिलो हाफमा मेक्सिकोलाई १ - ० को अग्रता

एजेन्सी । विश्वकप फुटबलमा दक्षिण कोरियाविरुद्ध मेक्सिकोले पहिलो हाफमा १ - ०  को अग्रता बनाएको छ ।

रोस्तोभ एरिनामा मेक्सिकोले पेनाल्टीमा गोल गरेको हो । खेलको २६ औं मिनेटमा कार्लोस भेलाले मेक्सिकोका लागि पेनाल्टीमा गोल गरेका हुन् । दक्षिण कोरियाका खेलाडीले ह्याण्ड बल गरेपछि मेक्सिकोले पेनाल्टी पाएको थियो ।

जारी विश्वकप पहिलो खेलमा दक्षिण कोरियाले पराजय बेहोरेको थियो भने मेक्सिकोले जित हासिल गरेको थियो ।

समूह एफमा रहेको दक्षिण कोरिया पहिलो खेलमा स्विडेनसँग १ - ० ले पराजित भएको थियो  । मेक्सिकोले भने साबिकको बिजेता जर्मनीलाई १ - ० ले हराएको थियो   ।

यसअघि मात्र एक पटक मेक्सिको र दक्षिण कोरिया आमने सामने भएका छन्, सन् १९९८ को विश्वकपमा । सो खेलमा मध्य अमेरिकी मुलुक ३–१ ले विजयी भएको थियो ।