वेस्ट ह्याममाथि आर्सनलको शानदार जित

काठमाडौं । ईङ्लिस प्रिमियर लिग फुटबलमा आर्सनलले शानदार जित निकालेको छ । आईतबार राति वेस्ट ह्यामको घरेलु मैदानमा आर्सनल ६–० ले विजयी बनेको हो । 

आर्सनलले प्रिमियर लिगको अवे गेममा सबैभन्दा ठुलो अन्तरको जित निकालेको हो । लण्डन क्लबले जित सहित शीर्ष स्थानको लिभरपुलसँगको दुरी २ अंकमा झारेको छ । 

मिकेल अर्टेटाको टिमले दोस्रो स्थानको म्यानचेस्टर सिटीसँग अंक बराबरी गरेको  । तर गोल अन्तरका आधारमा आर्सनल तेस्रो स्थानमा छ । 

यो सन् १९६४ पछि वेस्ट ह्यामले घरेलु मैदानमा ठुलो अन्तरको हार ब्यहोरेको हो । 

आर्सनलले पहिलो हाफमै ४–० को अग्रता खेलमा बनाएको थियो । विलियम सलिबा, गेब्रियल, बुकायो साका र लिएन्ड्रो ट्रसोर्डले लण्डन क्लबका लागि गोल गरेका थिए ।

दोस्रो हाफमा साकाले ब्यक्तिगत रुपमा दोस्रो र डेक्लान राइसले गोल गर्दै आर्सनललाई शानदार जित दिलाए ।

जित सहित आर्सनल उपाधि होडमा फर्किएको छ । उसले ५२ अंक जोडेर तालिकाको तेस्रो स्थानमा आफुलाई सुरक्षित गरेको छ । वेस्ट ह्याम ३ अंक सहित तालिकाको आठौं स्थानमा छ ।