काठमाडौं । आइसीसी यू–१९ विश्वकप क्रिकेटको सुपर सिक्सको पहिलो खेलमा नेपाली टोली बंगलादेशसँग पराजित भएको छ ।
बुधबार भएको खेलमा नेपाल बंगलादेशसँग ५ विकेटले पराजित भएको हो । बोलेमफ्रोन्टेनमा नेपालले दिएको १७० रनको लक्ष्य पछ्याएको बंगलादेशले २५ ओभर २ बलमा पूरा गर्यो ।
बंगलादेशका लागि जिसम आलम र अफ्रिउल इस्लामाले अर्धशतकीय पारी खेले । जिसमले ५५ रन बनाउँदा स्लामले ५९ रन बनाए ।
नेपालका लागि सुवास भण्डारीले पाँच विकेट लिन बाहेक अन्य बलरले विकेट हात पार्न सकेनन् ।
त्यसअघि टस जितेर पहिले ब्याटिङ गरेको नेपालले ४९ ओभर ५ बलमा अल आउट हुँदै १६९ रन बनाएको थियो । नेपालका लागि विशाल विक्रम केशीले सर्वाधिक ४८ रनको योगदान गरे ।
त्यस्तै कप्तान देव खनालले ३५ रन बनाउँदा सुवास भण्डारीले १८ तथा अर्जुन कुमालले १४ रनको योगदान गर्दा अन्य ब्याटरले दोहोरो अंकमा रन जोड्न सकेनन् ।
बंगलादेशका लागि रोहनत ब्रोसनले सर्वाधिक चार विकेट लिए । त्यस्तै शेख प्रविज विबोनले तीन विकेट लिए ।
