सुदूरपश्चिममाथि एपीएफको जित

काठमाडौं । विभागीय टोली नेपाल एपीएफ क्लबले प्रधानमन्त्री कप एकदिवसीय राष्ट्रिय क्रिकेट प्रतियोगितामा जित निकालेको छ । 

मंगलबार भएको खेलमा एपीएफले सुदूरपश्चिम प्रदेशलाई ३ विकेटले हराएको हो । 

मुलपानी क्रिकेट मैदानमा सुदूरपश्चिमले दिएको ७८ रनको लक्ष्य पछ्याएको एपीएफले १४ ओभर १ बलमा ७ विकेट गुमाउँदै पूरा गर्यो । 

एपीएफका लागि सन्दीप जोराले १८ रन बनाउँदा आसिफ शेख १५, भुवन कार्की १४ र प्रदीप ऐरीले १२ रनको योगदान गरे । सुदूरपश्चिमका लागि दिपक चन्दले चार विकेट लिँदा नरेश चन्दले तीन विकेट लिए । 

त्यसअघि पहिले ब्याटिङ गरेको सुदूरपश्चिमले १६ ओभर दुई बलमा सम्पूर्ण विकेट गुमाउँदै ८७ रन बनाएको थियो । 

सुदूरपश्चिमका लागि  नारायण जोशीले ३१ रन बनाउँदा खडक बोहराले २४ रन बनाउन बाहेक अन्य ब्याटरले दोहोरो अंकमा रन जोड्न सकेनन । 

एपीएफका लागि चन्दन रामले पाँच विकेट लिए । त्यस्तै भुवन कार्कीले तीन विकेट लिँदा रोहित पौड्यलले दुई विकेट लिए ।