काठमाडौं । मधेश प्रदेशमाथि नेपाल पुलिस क्लबले प्रधानमन्त्री कप एकदिवसीय राष्ट्रिय क्रिकेटमा सहज जित निकालेको छ । बुधबार भएको खेलमा पुलिसले मधेश प्रदेशलाई ६ विकेटले हराएको हो ।
मुलपानी क्रिकेट मैदानमा मधेशले दिएको ९७ रनको लक्ष्य पछ्याएको पुलिसले १८ ओभर ३ बलमा ४ विकेट गुमाउँदै पूरा गर्यो ।
पुलिसका लागि सुनि धमलाले सर्वाधिक २८ रन जोडे । त्यस्तै कुशल भुर्तेलले १९ रन बनाउँदा आरिफ शेखले १६ रनको योगदान गरे ।
मधेशका लागि रञ्जित कुमार र अर्निको यादवले दुई–दुई विकेट लिए । त्यसअघि पहिले ब्याटिङ गरेको मधेशले २४ ओभरमा सम्पूर्ण विकेट गुमाउँदै ९६ रन बनाएको थियो ।
मधेशका लागि अर्निको यादवले २३ रन बनाए । त्यस्तै हरिशंकर शाह २२ र अविशेक तिवारीले ११ रन बनाउन बाहेक अन्य ब्याटरले दोहोरो अंकमा रान बनाउन सकेनन् ।
पुलिसका लागि सागर ढकालले सर्वाधिक पाँच विकेट लिए । ९ ओभर बलिङ गरेका उनले ४१ रन खर्चे ।
पुलिसका ललित नारायण राजवंशीले चार विकेट लिँदा राशिद खानले एक विकेट हात पारे ।
