ललितपुरका सुरोजलाई रापिड चेसको उपाधि

काठमाडौं । टोखा युवा क्लबको आयोजना दुई दिने दोस्रो टोखा युवा खुल्ला राष्ट्रिय  रापिड बुद्धिचाल प्रतियोगिताको  उपाधि ललितपुरका सुरोज महर्जनले हात पारेका छन् । 

सुरोजले अन्तिम चरणको खेलमा काठमाडौका धिरेन राईलाई पराजित  गरे । सुरोजले आठ खेलमा जित निकालेका थिए भने छैटौं चरणको खेलमा शुुुसुरत दाहालसंग पराजित भए । जितसँगै उनले नगद १५ हजार हात पारे।

त्यस्तै काठमाडौका सुदिप तामाङ दोस्रो र धिरेन राईले तेस्रो स्थानमा हासिल गरे । दोस्रो हुनेले १० हजार र तेस्रो हुने खेलाडीले ७ हजार नगद पुरस्कार प्राप्त गरे । 

साढे ७ अंक जोडेका सुदिपले नवौं चरणको खेलमा बिनय राइलाई हराएका थिए । साढे ७ अंक नै भए पनि धिरेन सुदिपसंग प्रोग्रेसिभ अंकमा पछि पारेका थिए ।

प्रतियोगितामा झापाका  शुसुरत दाहाल चौथो र सुमन लामा पाँचौ स्थानमा रहे । शुसुरतले ५ हजार र सुमनले ४ हजार नगद प्राप्त गरे । दशौं स्थानसम्म प्राप्त गर्नेलाई नगद पुरस्कार रहेको प्रतियोगितामा  झापाका सुमन मोक्तान, काठमाडौका पुरुषोत्तम सिलवाल, धनुषाका सुशील चौधरी,  काठमाडौका सुभाष गुरुङ र प्रेमकृष्ण महर्जन छैटौं देखि दशौंसम्म रहे । 

त्यसैगरी अनरेटेडमा फुर्वा लामा उत्कृष्ट  ठहरिए भने भेट्रानमा भक्तपुरका गणेशमान दुवाल  पहिलो भए।  महिलातर्फ काठमाडौका  पुर्णिामा गुरुङ  पहिलो भईन  भने   स्थानीय टोखामा जितेन्द्र डंगोल प्रथम भए । 

त्यसैगरी यु  १४ मा छात्रातर्फ  रिया श्रेष्ठ र छात्रमा  अभिन पाण्डेले पहिलो स्थान हात पारे ।

प्रतियोगिता टोखा नगरपालिका वडा नं ३ को आर्थिक सहयोगमा संचालन भएको थियो । दुई दिने  प्रतियोगितामा १७८ जना खेलाडीहरुको सहभागी रहेको थियो ।