स्कटल्यान्ड यू–१९ माथि नेपालको सहज जित

काठमाडौं । नेपालले आइसीसी यू–१९ विश्वकप अघि आधिकारीक वार्मअप खेलमा स्कटल्यान्डलाई डकवर्थ लेविस पद्धतिको आधारमा ७ विकेटले हराएको छ ।

दक्षिण अफ्रिकामा ११५ रनको लक्ष्य पछ्याएको नेपालले २९ ओभर १ बलमा ९९-३ को अवस्थामा वर्षाको कारण खेल रोकिएको थियो । 

वर्षा हुनु अघि नेपालका अर्जुन कुमाल ३३ रन बनाएका थिए । त्यस्तै  आकाश त्रिपाठीले २९ रन बनाए ।

त्यसअघि टस जितेर पहिला ब्याटिङ रोजेको स्कटल्याण्डले ४४ ओभर ४ बलमा सम्पुर्ण विकेट गुमाउँदै ११४ रन बनाएको थियो । 

बलिङतर्फ नेपालका गुलशन झा र तिलक भण्डारीले तीन  तीन विकेट लिए ।

नेपालले अन्तिम वार्मअप खेल मंगलबार वेस्टइन्डिजसँग खेल्नेछ ।