बेसबल फाइभको सेमिफाइनल समिकरण पूरा

काठमाडौं । प्रथम राष्ट्रिय बेसबल फाइभ प्रतियोगिताको पहिलो दिन बुधबार सेमिफाइनल समीकरण तयार भएको छ । 

सेमिफाइनलमा बागमती प्रदेशले कोशी प्रदेश तथा सुदूरपश्चिम प्रदेशले मधेश प्रदेशविरुद्ध खेल्ने भएका छन् ।

त्रिपुरेश्वरस्थित राष्ट्रिय खेलकुद परिषद् राखेपको कभर्डहलमा भइरहेको प्रतियोगिताको राखेपका सदस्य–सचिव टंकलाल घिसिङले एक कार्यक्रमबीच उद्घाटन गरेका थिए ।

प्रतियोगितामा ७ टिम सहभागी छन् । 

बेसबल फाइभ प्रतियोगिता नेपालमै पहिलोपटक आयोजना गरिएको आयोजक नेपाल बेसबल तथा सफ्ट बल संघका अध्यक्ष दीपक न्यौपानेले जनाएका छन् ।

प्रतियोगिता बिहीबार सम्पन्न हुनेछ ।