गुलशनको शतकमा स्कटल्यान्डलाई २८५ रनको लक्ष्य

काठमाडौं । गुल्शन  झाको शतकमा नेपाली यू–१९ क्रिकेट टोलीले स्कटल्यान्ड यू–१९ टोलीलाई २८५ रनको लक्ष्य दिएको छ । 

नेपालले ४९ ओभर २ बलमा सम्पूर्ण विकेट गुमाउँदै २८४ रन बनाएको हो । 

नेपालका लागि गुल्शनले शतकीय पारी खेले । उनले ११५ बलमा ११४ रन बनाए । 

नेपालका लागि दिपक बोहोराले ५८ रनको अर्धशतकीय पारी खेले ।

नेपाली टोली अहिले दक्षिण अफ्रिकामा विश्वकपको तयारीमा रहेको छ ।