अन्तिम खेलमा वार्नरको अर्धशतक, सिरिज ‘क्लिन स्विप’

काठमाडौं । सिड्नीमा भएको आफ्नो अन्तिम टेष्ट म्याचमा डेविड वार्नरले अर्धशतक प्रहार गरेका छन् । पाकिस्तानविरुद्धको खेलमा वार्नरले अर्धशतक प्रहार गरेका हुन् । 

मात्र १ सय ३० रनको लक्ष्य पछ्याएको अष्ट्रेलियाले ८ विकेटले पाहुना टोलीलाई हराएको हो । वार्नरले ५७ रनको इनिङ्स खेल्दा अष्ट्रेलियाले सिरिज ३–० ले क्लिन स्विप गर्यो ।

अन्तिम टेष्टमा समेत पाकिस्तानको खराब प्रर्दशनले निरन्तरता पायो । सन् १९९५ पछि पाकिस्तानले अष्ट्रेलियाको मैदानमा टेष्ट म्याच जित्न सकेको छैन । उसले अन्तिम पटक सन् १९९५ मा सिड्नीमा वसिम अकरमको कप्तानीमा म्याच जितेको थियो । सन् १९९५ पछि छैटौं पटक पाकिस्तान अष्ट्रेलियन भूमीमा क्लिन स्विप हुन परेको हो ।

यसअघि पर्थमा भएको पहिलो टेष्ट र मेलवर्नमा भएको दोस्रो टेष्ट पाकिस्तानले गुमाएको थियो । तेस्रो म्याचमा पाकिस्तानको अवस्था सुदृढ देखिन्थ्यो । उसले पहिलो इनिङ्समा ३ सय १३ रन बनाएको थियो । त्यसपछि अष्ट्रेलियाले २ सय ९९ रन बनाएको थियो । तर दोस्रो इनिङ्समा पाकिस्तान १ सय १५ रनमै अलआउट भएको थियो । त्यसपछि पाकिस्तानले सहज लक्ष्य प्राप्त गरेको थियो ।

वार्नरले यसअघिनै वान डे क्रिकेटबाट सन्यास लगिसकेका छन् । तर उनले टिमले आवश्यकता महशुश गरेमा आफु टिमका लागि उपलब्ध हुने बताएका छन् ।