कोशीविरुद्ध पहिले ब्याटिङ गर्दै एपीएफ

काठमाडौं । प्रधानमन्त्री कप महिला राष्ट्रिय टी–ट्वान्टी क्रिकेटको फाइनल खेलमा विभागीय टोली एपीएफ र कोशी प्रदेश प्रतिस्पर्धा गर्दैछन् । 

त्रिवि क्रिकेट मैदानमा एपीएफले टस जितेर पहिले ब्याटिङ रोजेको छ । कोशीले केही बेरमा एपीएफविरुद्ध बलिङ गर्नेछ । 

विभागी टोली एपीएफ घरेलु महिला क्रिकेटमा बलियो टोलीको रुपमा मानिन्छ । उसोत दाङमा तीन वर्ष पहिले भएको यही प्रतियोगितामा एपीएफलाई हराउँदै कोशी प्रदेशले उपाधि जितेको थियो । 

आजको खेलमा दुबै टोली उपाधिका लागि आफ्नो शत प्रतिशत दिनेछन् । पहिलो क्वालिफायर्समा कोशी एपीएफसँग पराजित भएको थियो ।