क्यानले बिहीबार वार्षिक क्यालेन्डर सार्वजनीक गर्ने

काठमाडौं । नेपाल क्रिकेट संघ क्यानले आगामी बिहीबार वार्षिक क्यालेन्डर सार्वजनीक गर्ने भएको छ । 

क्यानले मंगलबार सुचना जारी गर्दै बिहीबार क्यालेन्डर सार्वजनीक गर्ने घोषणा गरेको हो । 

त्रिवि क्रिकेट मैदानमा दिउँसो १ बजे वार्षिक क्यालेन्डर सार्वजनीक गर्ने कार्यक्रम राखिएको छ ।  

क्यानको नयाँ निर्वाचित कार्यसमितिले क्यालेन्डर सहित क्रिकेट विकासको काम अघि बढाउने घोषणा गरेको थियो । सोही अनुसार क्यानले वार्षिक क्यालेन्डरलाई पत्रकार सम्मेलनको आयोजना गरेर सार्वजनीक गर्ने तयारी गरेको हो ।

क्यानको वार्षिक क्यालेन्डरमा उमेर समुह र सिनियर टिमको वर्षभरीका घरेलु क्रिकेटका कार्यक्रमको तालिका समावेश हुनेछ । बहुप्रतिक्षित फ्रेन्चाईज क्रिकेट नेपाल प्रिमियर लिगको समेत बिहीबार खुलासा हुने अपेक्षा गरिएको छ ।

चतुरबहादुर चन्द नेतृत्वमा दोहरिएर आएपछि क्यानले क्यालेन्डर अनुसार संघको गतिविधि अघि बढाउने तयारी गरेको हो ।