पीएम कप : एपीएफ क्वालिफायरमा, बागमती प्लेअफमा  

काठमाडौं । विभागीय टोली एपीएफ प्रदेशले प्रधानमन्त्री कप महिला टि ट्वान्टी कप राष्ट्रिय प्रतियोगिताको क्वालिफायमाम पुगेको छ । 

बिहीबार भएको खेलमा एपीएफले गण्डकी प्रदेशमाथि ५२ रनको सहज जित हात पारेको छ । 

त्रिवि मैदानमा एपीएफले दिएको १२८ रनको लक्ष्य पछ्याएको गण्डकीले निर्धारित २० ओभरमा सात विकेट गुमाउँदै मात्र ७५ रन बनाएको हो । 

आजनै भएको अर्काे खेलमा कर्णाली प्रदेशमाथि १० विकेटको सहज जित निकाल्दै बागमती प्रदेशले प्लेअफमा स्थान बनाएको छ ।

माथिल्लो मुलपानी क्रिकेट मैदानमा कर्णालीले जितका लागि दिएको ४३ रनमो सामान्य लक्ष्य पछ्याएको बागमतीले ४ ओभर ५ बलमा विना विकेटको क्षतिमा पूरा गर्यो । 

बागमतीको जितमा यशु पाण्डेले अविजित सर्वाधिक २५ रन बनाउँदा हेलिसा गुरुङले १३ रन बनाइन् । 

यसअघि टस जितेर पहिला ब्याटिङ रोजेको कर्णालीले १३ ओभर ४ बलमा ४२ रन बनाएर अल आउट भएको थियो । कर्णालीका लागि सर्वाधिक १६ रन बनाइन् । त्यस्तै बिना थापा १२ रन बनाउँदा अन्यले दोहोरो अंकमा रन बनाउन सकेनन् ।

बलिङतर्फ बागमती प्रदेशकी खुशी डंगोलले ४ विकेट लिइन् । त्यस्तै संस्कृति फुँयालले दुई, सोनी पाख्रिन र विपिशा शाहीले समान एक विकेट लिइन् ।

यो जितसँगै बागमतीले ६ खेलबाट ८ अंक जोडेर चौथो स्थानमा छ । त्यस्तै शीर्ष स्थानमा रहेको एपीएफको ६ खेलबाट १२ अंक छ । तेस्रो स्थानको सुदूरपश्चिम प्रदेशको ८ अंक छ । पराजित कर्णालीले अहिलेसम्म जित निकाल्न सकेको छैन् ।