अर्जुन काफ्ले
पथरी । रङ्गेली प्रिमियर लिग क्रिकेटको शुक्रबारको खेलमा रन्जनी राइनोज र आमगाछी इगल विजयी भएका छन् ।
रन्जनीले दर्वेशा वाइरिर्यसलाई ६७ रनले पराजित गर्दा आमगाछीले मंगल स्टारलाई १९ रनले हराएको हो । ले दर्वेशा वाइरिर्यसलाई ६७ रनले पराजित गर्दा आमगाछीले मंगल स्टारलाई १९ रनले हराएको हो ।
पहिलो खेलमा टस हारेर ब्याटिङमा उत्रिएको रंन्जनीले निर्धारित २० ओभरमा ९ विकेट गुमाएर १ सय ५१ रन बनायो । जसमा सोनु मण्डलले ४२ रन वनाए । ३७ वल खेलेका उनले २ चौका र ३ छक्का प्रहार गरे । रन्जनीका सिर्जल संग्रौलाले ३५ र सुदिप कार्कीले १९ रन बनाए ।
दर्वेसाका पप्पु मण्डलले ३ सज्जाद मिया र अजित पौद्धारले समान दुई दुई विकेट लिए । अजाद मिया र लव मण्डलले समान एक एक विकेट हात पारे ।
१ सय ५२ रनको लक्ष्य पछ्याएको दर्वेशा १५ ओभर ५ बलमा ८५ रन वनाउदै अल आउट भयो । दर्वेशाका मोहित दाशले २५, सुरज राजवंशीले २० र सज्जाद मियाले १६ रन बनाउन बाहेक अन्य ब्याट्सम्यानले दोहोरो अंकको रन बनाउन सकेनन् ।
दर्वेशालाई सस्तैमा समेटन रंन्जनीका सिर्जन संग्रौला र नरेन ओलीले समान ३–३ विकेट लिए । सोनु मण्डल र रविन राजवंशीका नाममा १–१ विकेट रह्यो ।
खेलको म्यान अफ दि म्याच सिर्जन संग्रौला घोषीत भए ।
दोश्रो खेलमा टस जितेर ब्याटिङ्ग गरेको आमगाछीले ३ विकेट गुमाउँदै १ सय ४७ रन बनायो । मुन्ना मण्डल र सुरज न्यौपानेले सतकिय साझेदारी गरे । न्यौपानेले ५२ बलमा ६१ रन बनाए । मण्डलले ५४ बलमा ५६ रन बनाए । मुकेश यादव १० रनमा अविजित रहे ।
मंगलका सुरज मण्डल, पि यादव र विकेश यादवले समान एक-एक विकेट लिए ।
१ सय ४८ रनको लक्ष्य सहित मैदान उत्रिएको मंगल स्टार १९ ओभर १ बलमा १२८ रन बनाउदै अल आउट भयो । मंगल स्टारका विनेश सहनीले ५७ र जय किसान शाहले ३० रन बनाउन बाहेक अन्य ब्याट्सम्यान सस्तैमा आउट भए ।
आमगाछीका सुरज न्यौपानेले ४ विकेट लिदाँ मुकेश यादव र सुमित कुमार रोयले समान २–२ विकेट झारे । प्रदिप मण्डल र एस घिमीरेको नाममा समान एक एक विकेट रह्यो ।
खेलको म्यान अफ दि म्याच सुरज न्यौपाने भए ।
शनिबार पहिलो खेलमा मंगल स्टार र रंन्जनी राइनोज तथा दोश्रो खेलमा आमगाछी इगलले चोपरा सनराइज किङ्ग भिड्नेछन् ।
