अर्जुन काफ्ले
पथरी । रंगेली प्रिमियर लिग क्रिकेट प्रतियोगिता शुक्रबारबाट सुरु भएको छ ।
रंगेलीस्थित जनता क्याम्पसको मैदानमा भएको उद्घाटन खेलमा चोपरा सनराईज किङ्ग विजयी भएको छ ।
चोपराले संसारी च्यालेन्जरलाई ८ विकेटले पराजित गरेको छ । टस जितेर व्याटिङ्गमा उत्रिएको संसारी १६ ओभर खेल्दै ६८ रनमा अल आउट भयो ।
संसारीका मुकुद यादवले ४३ र सागर रोयले १३ रन बनाउन वाहेक अन्य ब्याट्सम्यानले दोहोरो अंकको रन जोडन सकेनन् । संसारीलाई सस्तैमा समेटन अभिषेक मण्डलले ४ विकेट लिए ।
चार ओभर बलिङ्ग गरेका मण्डलले २९ रन खर्च गरेर ४ विकेट लिए । मोहम्मद निसारले ३ तथा रन बहादुर मण्डल र नितेस सहनीले समान एक एक विकेट लिए ।
संसारीले प्रस्तुत गरेको ६९ रनको लक्ष्य लिएर मैदान उत्रिएको चोपराले ७ ओभर १ बलमा लक्ष्य पुरा गर्यो ।
मण्डलले अविजित ३२ रन वनाए । गणपती मण्डल २० रन बनाएर आउट भए । एकलव्य मुखिया ११ रनमा अविजीत रहे । संसारीका लागि कुश मण्डलले २ विकेट लिए ।
त्यसअघि संघिय संसद योगेन्द्र मण्डलले प्रतियोगिताको उद्घाटन गरेका थिए ।
पुष २१ गतेसम्म सन्चालन हुने प्रतियोगितामा रंगेली नगरभित्रका ६ वटा फ्रेन्चाइज क्लवको सहभागीता रहेको छ ।
शनिवार दुई खेल हुनेछ ।
पहिलो खेलमा मंगल स्टार र आमगाछी इगल भिड्दा दोश्रो खेलमा दर्वेशा च्यालेन्जर र रन्जनी राइनोज आमने सामने हुनेछन् ।
खेलकुद विकास समिती रङ्गेलीले आयोजना गरेको प्रतियोगिताको विजेताले १ लाख रुपैयाँ र ट्रफी प्राप्त गर्नेछ भने उपविजेताले ५१ हजार रुपयाँ प्राप्त गर्ने छ ।
