काठमाडौं । एकदिवसीय विश्वकप क्रिकेटमा भारतले अष्ट्रेलियालाई २ सय ४१ रनको लक्ष्य प्रस्तुत गरेको छ ।
अष्ट्रेलियाले टस जितेर फिल्डिङ रोजेपछि भारतले सुरुवातमा ब्याटिङ गरेको थियो ।
भारतले निर्धारित ओभरमा १० विकेट गुमाएर २ सय ४० रन बनाएको छ ।
केएल राहुलले ६६ रन बनाएको इनिङ्समा विराट कोहलीले ५४ रन बनाएका थिए । कप्तान रोहित शर्माले ४७, सुर्यकुमार यादवले १८ र कुलदीप यादवले १० रन बनाए ।
सुभमन गिल र श्रेयश अय्यर समान ४ रनमा आउट हुदाँ रविन्द्र जडेजा ९, मोहमद सामी ६, जसप्रीत बुम्राहा १ रनमा आउट भए । मोहमद सिराज ९ रनमा अविजित रहे ।
स्कोर बोर्डमा ३० रनमा रहदाँ सुभमन गिललाई गुमाएको भारतले लगत्तै रोहित शर्मा र श्रेयश अय्यरलाई गुमाएको थियो । ८१ रनमा ३ विकेट गुमाएको अवस्थामा भारतको इनिङ्सलाई विराट कोहलीले केएल राहुलसँग मिलेर अघि बढाएका थिए ।
विराट कोहली समेत १ सय ४८ रनमा चल्दै गर्दा आउट भएपछि भारतीय ब्याटिङ लाइनले अष्ट्रेलियालाई झेल्नै सकेन ।
संयमतापूर्वक अघि बढेका केएल राहुल समेत मिचेल स्टार्सको बलको सिकार बनेपछि भारतीय ब्याटिङ लाईन पुरै असफल बनेको थियो ।
अष्ट्रेलियाका मिचेल स्टार्सले ३ तथा जोस हेजलउड र प्याट कमिन्सले समान २ विकेट झारे । ग्लेन म्याक्सवेल र एडम जम्पाले समान एक एक रन बनाए ।
ब्याटिङ लाइन पुरै फ्लप भएपछि भारतको आश अब बलरहरुको प्रर्दशनमा निर्भर छ ।
भारतीय टिम लगातार १० खेलमा जित हासिल गर्दै फाइनलमा उत्रिएको हो । समूह चरणमा खराब सुरुवात गरेको अष्ट्रेलिया फाइनल खेलसम्म फर्किसकेको छ ।
भारत विश्वकप तेस्रो पटक जित्न चाहन्छ । विश्वकपको सर्वाधिक सफल टिम अष्ट्रेलियाले ५ पटक उपाधि जितिसकेको छ ।
