पिपुल्स र नेरिक फाइनलमा

काठमाडौं । पिपुल्स एकेडेमी र नेरिक दोश्रो एन प्याब्सन स्पोर्ट्स मिटअन्तर्गत सिनियर ब्वाइज बास्केटबलमा मंगलबार फाइनलमा प्रवेश गरेका छन् ।

चावहिलको सरस्वतीनगरस्थित एपेक्स लाइफ स्कुलको कोर्टमा भएको सेमिफाइनलमा पिपुल्सले माउन्ट कैलाशलाई ४०–२८ ले पराजित गर्यो । पिपुल्सको जितमा संकेत केसीले १६ अंक योगदान गरे । राजन खत्रीको २० अंक सहयोगमा नेरिकले युनिभर्सललाई ५४–३६ ले हरायो ।

जुनियर ब्वाइज बास्केटबलमा ग्रिनफिल्डले फाइनलमा स्थान सुरक्षित ग¥यो । ग्रिनफिल्डले पिपुल्सलाई ३२–२३ ले पाखा लगाउदै नेरिकसंग उपाधि भिडन्त पक्का गर्यो । ग्रिनफिल्डका महेश दाहालले १८ स्कोर गरे । सोमबार भएको पहिलो सेमिफाइनलमा नेरिकले कान्तिपुर इङलिस स्कुललाई २५–१२ ले पन्छ्याउदै फाइनलमा स्थान सुरक्षित गरिसकेको छ ।

फाइनल बुधबार हुनेछ । स्पोर्ट्स मिटअन्तर्गत यसअघि टेबलटेनिस, ब्वाइज क्रिकेट र ब्वाइज फुटसल सम्पन्न भइसकेको छ ।