शेर्पाको अध्यक्षतामा क्लब एसोसियसन गठन

काठमाडौं । कर्माछिरिङ शेर्पाको अध्यक्षतामा नेपाल फुटबल क्लब एसोसियसन समिति गठन गरिएको छ । 

काठमाडौंमा सोमबार भएको डिभिजन क्लबहरुको भेलाको शेर्पाको अध्यक्षतामा तदर्थ समिति गठन गरेको हो । 

समितिको उपाध्यक्षमा मनाङ क्लबका अध्यक्ष विजय घले र आरसीटीका कुमार राज भण्डारी छन् । 

यस्तै महासचिवमा उपेन्द्रमान सिंह, सचिवमा ध्रुव बिक्रम पाण्डे र कोषाध्यक्षमा मनोरथ आचार्य छन् । 

सदस्यमा इन्द्रमान तुलाधर, विश्वास बिक्रम शाह, कपिला राना, डिकेन सुवाल, रामकुमार तामाङ, शिक्षित पराजुली र दिपक ज्ञवाली छन् ।

डिभिजन क्लबहरुको हक, हित र अधिकारका लागि संगठित रुपमा अघि बढ्ने उद्धेश्य सहित क्लब एसोसियसन गठन गरिएको मनाङ क्लबका अध्यक्ष विजय घलेले बताए । 

एन्फाको पछिल्लो कार्यशैलीप्रति डिभिजन क्लबहरु असन्तुष्ट रहदै निरन्तर भेला गर्दै आएका थिए । आफ्ना माग सुनुवाई नभएपछि क्लबहरु संगठित भएर अघि बढ्ने निर्णय गरेका छन् । समितिमा ए, बी र सी डिभिजनका अधिकांश क्लबहरुको सहभागीता र एक्यबद्धता देखिएको छ । 

समितिको अध्यक्षमा रहेका शेर्पा यसअघि अखिल नेपाल फुटबल संघ एन्फाका केन्द्रिय अध्यक्ष रहेका थिए ।