तेक्वान्दोका चार प्रशिक्षक दक्षिण कोरिया जाने

काठमाडौं । इन्टरनेसनल मास्टर्स इन्स्ट्रक्टर कोर्स तथा पुम-डान एक्जामिनर कोर्समा सहभागी हुन ४ सदस्यीय तेक्वान्दो प्रशिक्षक टोली दक्षिण कोरियाको सिओल जाने भएको छ । 

जुलाई ७ देखि १४ तारिखसम्म हुने कोर्समा मोहन विश्वकर्मा, हरिहर पाण्डे, मिन न्यौपाने र पुष्पराज जोशीले सहभागिता जनाउने छन् । चारै पुम÷डान एक्जामिनर कोर्समा सहभागी हुने छन् ।

टोलीलाई राष्ट्रिय खेलकुद परिषद्का सदस्य–सचिव टंकलाल घिसिङले आइतबार एक कार्यक्रमबीच बिदाइ गरे ।

प्रशिक्षक टोली सोमबार दक्षिण कोरिया प्रस्थान गर्ने कार्यक्रम रहेको छ ।