प्रशिक्षक प्रशिक्षण तालिम सम्पन्न

काठमाडौं । नेपाल ब्याडमिन्टन संघको प्राविधिक सहयोग कोशी प्रदेश ब्याडमिन्टन संघको आयोजना तथा ताप्लेजुङ जिल्ला ब्याडमिन्टन संघको सहआयोजनमा ताप्लेजुङमा प्रदेशस्तरिय प्रशिक्षक प्रशिक्षण तालिम सम्पन्न भएको छ ।

तालिममा सहभागी प्रशिक्षकहरुलाई नेपाल ब्याडमिन्टन संघको पूर्व उपाध्यक्ष एवं ब्याडमिन्टनका पूर्व प्रशिक्षक उदय कुमार श्रेष्ठले प्रशिक्षण प्रदान गरेका थिए । सोही अवसरमा प्रतियोगिता नियन्त्रक (म्याच कन्ट्रोल) को पनि प्रशिक्षण प्रदान गरिएको थियो ।

कार्यक्रममा कोशी प्रदेशका ११ जिल्लाका २४ प्रशिक्षक एवं प्रतियोगिता नियन्त्रकहरुले ९ दिन सम्म प्रशिक्षण लिएका थिए । यस प्रशिक्षणले प्रदेश स्तरमा हुने दक्ष प्रशिक्षकको अभाव र प्रतियोगिताका दौरान हुने प्राविधिक अभावलाई पूर्ति गर्ने प्रशिक्षक श्रेष्ठले बताए ।

तालिम आषाढ २ देखि १० गते सम्म संचालन भएको थियो ।